ئەسسالامۇ ئەلەيكۇم ئاقىللار تورىنىڭ قىزغىن قوللىغۇچىلىرى،
تور بېكىتىمىز قۇرۇلغان 4 يىلغا يېقىن ۋاقىتتىن بۇيان بارلىق دوستلارنىڭ قىزغىن قوللىشى بىلەن تەرققىي قىلىپ بۈگۈنكى كۈنگە يېتىپ كەلدى. شۇ مۇناسىۋەت بىلەن تور بېكىتىمىزنى قوللىغان بارلىق قېرىنداشلارغا چىن كۆڭلىمىزدىن رەھمەت ئېيتىمىز.
ئەمدى مەقسىەتكە كەلسەك، يېقىندىن بىرى پۈتۈن مەملىكەت دائىرىسىدە تور بېكەتلەرنى ئومۇميۈزلۈك تەكشۈرۈش قانات يايدۇرۇلۇپ، نۇرغۇنلىغان تور بېكەتلەر تاقالدى. تەكشۈرۈلىدىغان مەزمۇنلار ئاساسلىقى شەھۋانىي مەزمۇنلار، دۆلەتنىڭ قانۇن نىزاملىرى ۋە سىياسەتلىرىگە خىلاپ مەزمۇنلار، دىنى تۈس ئالغان ۋە مىللىي زىددىيەت پەيدا قىلىدىغان مەزمۇنلار بولۇپ، بىر قىسىم تور بېكەتلەرنىڭ بوشلۇقى تاقالغاندىن سىرت يەنە شۇ تور نامىدا تور بېكەت قۇرۇش ھوقۇقىمۇ ئېلىپ تاشلاندى.
ئاقىللار تورى توردا ئۆز-ئارا ئۆگىنىش، ئۆز-ئارا ياردەم قىلىشنى مەقسەت قىلغان بولۇپ، نۇرغۇن قېرىنداشلىرىمىز تور بېكىتىمىز ئارقىلىق كۆپ بىلىملەرگە ئېرىشتى. مانا بۇ ئۈنۈم بىزنىڭ قۇرۇق شۇئار توۋلاپ، ئاقماس پاراڭ قىلغىنىمىزدىن مىڭ ئەلادۇر. يېقىندى ئىككى كۈندىن بۇيان مۇنبىرىمىزگىمۇ نۆۋەتتە ھۆكۈمەت قاتتىق تەكشۈرىۋاتقان مەزمۇنلاردىن بىر نەچچىسى يوللانغان ھەم بىر قىسىم باشقۇرغۇچىلىرىمىز بىخۇتلۇق قىلىپ ئىككىلەنمايلا تەستىقلىغان. تور بېكىتىمىزنىڭ كەلگۈسى ئۈچۈن بۇ تېمىلار دەرھال ئۆچۈرۈلدى. مۇشۇنداق تېمىنى يوللاۋاتقان ئەزالار ۋە تەستىقلاۋاتقان باشقۇرغۇچىلارغا يەنە بىر ئەسكەرتىپ قويۇشنى لايىق تاپتىم. سىزنىڭ مۇنبەردە ئېلىپ بېرىۋاتقان ھەر بىر مەشغۇلاتىڭىز ئاپتۇماتىك خاتىرلىنىپ ماڭىدۇ. يەنى سىزنىڭ IP نومۇرىڭىز، تىزىملاتقان IP نومۇرىڭىز، ئاخىرقى كىرگەن ۋاقتىڭىز، دائىم كىرىدىغان ئورنىڭىز دېگەندەك. ئەگەر يوللىغان ياكى تەستىقلىغان مەزمۇنلاردىن مەسىلە بايقالسا، ماتېرىيالىڭىز مۇناسىۋەتلىك ئورۇنلارغا تاپشۇرۇپ بېرىلىدۇ. شۇڭا بارلىق ئەزالارنىڭ ۋە باشقۇرغۇچىلارنىڭ تېما، ئىنكاس مەزمۇنىغا ئالاھىدە دىققەت قىلىشىنى ئۈمىد قىلىمىز.

ۋاقتىدا ئەسكەرتىپلا ، دىققەت قىلىشقا تىگىشلىك ئىشكەن . گەپ -سۆزدە دىققەت قىلايلى !

ھەممىمىزنىڭ ئامانلىقى ئۈچۈن چۇقۇم دىققەت قىلايلى!

يېقىندىن بۇيان ئىمتاھان ئورۇنلاشتۇرۇشى ھەلەكچىلىكىدە  ئالدىراش بولۇپ قېلىپ مۇنبەرگىمۇ كىرەلمەيۋاتىمەن . چوقۇم دىققەت قىلىمىز .

ئىنكاس تەستىقلاش تۈزۈمىنى يولغا قويساڭلار بولغىدەك.
دىمىسىمۇ ھازىر بەك تولا ئىش چىقىپ ۋەزىيەت بەك چىڭ! قالايمىقان خىيالنى كاللىدىن تولۇق چىقىرىۋىتىش كىرەك!

مۇنبەرنىڭ ئامانلىقىنى كۆزدە تۇتۇپ كەڭ تورداشلارنىڭ ئىنكاس يازغاندا مەزمۇنغا قاتتىق دىققەت قىلىشىنى سورايمەن . ئاقىللاردىن ئىبارەت ئۇشبۇ بىلىم ماكانىنى پۇتۇن كۈچىمىز بىلەن قوغداپ قالايلى .


ھازىرقى تېما تەستىقلاۋاتقان باشقۇرغۇچىلارنىڭ مەسئۇليەتسىزلىكىنى بولدى سۆزلىمەي . ئەخلەت تېما ، ئىملا خاتالىقى ، مەزمۇنى قاتارلىقلار بىلەن ئەسلا كارى يوق . ئارقا سۇپىدا خەتلا بولسا تەستىقلاۋاتقان .....

نەقىل:

ئەسلى يوللانما مۇسۇلمان تەرىپىدىن 2009-6-29 12:08 دە يوللانغان
يېقىندىن بۇيان ئىمتاھان ئورۇنلاشتۇرۇشى ھەلەكچىلىكىدە  ئالدىراش بولۇپ قېلىپ مۇنبەرگىمۇ كىرەلمەيۋاتىمەن . چو ...

ئىككىمىز ئوخشاش ئىشلار بىلەن ئالدىراش بوپ كېتىپتىمىز.....مەنمۇ دىققەت قىپ تۇراي....مۇنبەرنىڭ خاسلىقىنى ساقلاشقا كۆپ دىققەت قىلايلى

چوقۇم دىققەت قىلىمىز !
ئاقىللاردىن ئىبارەت  بىلىم ماكانىنى پۇتۇن كۈچىمىز بىلەن قوغداپ قالايلى!
ئەسكەرتىپ قويغىنىڭىزغا رەھمەت !

قوشۇلىمەن يەنە قوشۇلىمەن.

ئەمىليەتتە ئىنكاس قالدۇرۇشتىن بۇرۇن دوستانە ئەسكەرتىش دەپ تۇللۇق چىقىدۇ،ئامال بار دىققەت قىلىپ،ئۈزىمىزنىڭ ۋە ئاقىللارنى قوغدايلى!